新帥領軍熟晒路獅城水手打爆巴吞聯

返回开启护眼

新帥領軍熟晒路獅城水手打爆巴吞聯_東方日報

来源：网络时间-09-17

亞冠盃2分組賽F組首輪，新加坡勁旅獅城水手迎戰泰超名牌巴吞聯。兩支球隊上屆都係分組賽出局，不過獅城水手決心十足，上周請到英格蘭名帥馬克積遜執教，呢位教頭係上季泰國「3冠王」，對巴吞聯熟晒路，有力幫獅城水手打響頭炮。

（周四晚上6時開賽）文:工廠仔

馬克積遜摸清泰超兵
獅城水手上屆分組賽6戰3勝1和2負，最後因為對賽成績唔及對手冇得出線，但證明實力唔差。球隊日前請到前武里南聯教練馬克積遜執教，佢上季帶領武里南聯橫掃泰超，今場對番泰超球隊自然有辦法。獅城水手戰鬥力強，季前先贏社區盾冠軍，士氣高昂，主場出擊信心十足。

巴吞聯喺泰超開季演出一般，首戰和波，上場踢到臨完場前先絕殺新升班嘅拉西薩萊聯，說服力唔夠。巴吞聯近6場亞洲賽事作客，有5次輸波而回，而且上年3鬥另一支新加坡球會淡賓尼流浪都輸晒，今場對實力更勁嘅獅城水手，凶多吉少。

上一篇: 列治普斯納下盤水到渠成_東方日報

下一篇: 曼城聯賽盃贏“諾”去_澳門日報